Barbórka

[snajper]

Daj pozor!

Romboł górnik drzewo,
Romboł se pod ścianom
Roz rombnoł we klocek,
Drugi roz w kolano

Szoł potym przekopym,
Szoł se tak przy szynach
A tu na zakryncie
Sztrajfła go maszyna
Kieby sie obejrzoł
zasiebie do zadku
To by boł uniknoł
przikrego wypadku.
Tak ledwo odskoczył
na kulok urżniynty
I gwożdż zarusciały wloz
przez bot do piynty
A kiej borok siednoł
na okorkow kupie
Zaraz poczuł drzizga
w swojej chudy pupie
Podskoczoł ze złości
hełm mu slecioł z głowy
I piznoł tom głowom
w ring ze obudowy
Jeszcze zdonżył chycić
jakos deska z tyłu
I połki zleciały a z niom
tona pyłu

Morał z ty powiastki
ciśnie sie na ozor
Żebyś sie na dole
na wszystko dał pozor.


Marian Makula.


Wszyskim górnikom Szczęść Boże.

[letko]

SADYSTA !!
Dobre !!

Tak nawiasem Marek to na Ślónckim my sóm yno?